කාළය...........රන් සෙයකි-මිල කර කිව....නොහැකි
ආලය.........දුක් ගොඩෙකි-ඇලෙනුයෙ..මෝඩයෙකි
ලෝකය.........රඟ බිමෙකි-මෙ'සසර බිය.....කෙලකි
නාමය.........නොම වියැකි-ගුණ කඳ ලොව.....සුරැකි
පානය..............මධු,පුරති-සව් දිය තොල.....තෙමති
හීනය...........නන් දොඩති-අසි හිය සැරි..........සරති
රාගය..........කය නැගෙති-විලි බිය නොම...දැනෙති
කී දෙය......සිහි නොවෙති-කල දෙය මන..නොයෙති
සුමිතුරු........සහ කෙළිති-කහවණු විසි.........කරති
නම............දැරු රිය පදිති-සුර පුර සැප..........විඳිති
රස..........පිරු දිව ගුණැති-අහරට වග...........කියති
විසිතුරු...........ගත කරති-කුණුකය තර....කෙරෙති
යහනෙක....සඳුන් සතපති-මස් පිඬු...............තළති
මුව නෙක...අඳුන් ගල්වති-රතදර......... ... ලෙලෙති
වියතෙක...ඇඳුම් ඇඟලති-දන ඇස............සොයති
රමනෙක සයෙන් කැඳවති-අකුසල.................පුරති
තුන් යම.........බණ අසති-කිසිවක් මනස.........නැති
අන් හට...........දම් දෙසති-පිළි පැදි'යවුන්.........නැති
සන්තක........ධන බලැ'ති-දනකට හිතක්..........නැති
පන්සිල්.........නිති ගනිති-සුරකින අයෙක්........නැති
ඉපදිමු.........මනු කුලෙහි-බොහො කුසලින්..කලෙහි
ඇසුවෙමු..ගුණ ලොවෙහි-හිමි දෙසු දම්.........කඳෙහි
හැසිරෙමු.......බුදු මගෙහි-දුක දැක බව..........සකෙහි
පිවිසෙමු....මොක් පුරෙහි-දොර වෙත මෙම....බවෙහි
----- ඉන්දු ලියනගේ ---- 06/07/2014.
No comments:
Post a Comment