හිත රිදිච්ච පැය ගානේ
තව ගෙවිච්ච වරු ගානේ
මුව මුලිච්චි නොවුනට - තැලිච්චි මගෙ හිත
ඉකි බිද හැඬුවානේ....
මල් පිපිච්ච මද පවනේ
පිණි ඉහිච්ච තුරු සෙවනේ
මුව තිබිච්ච සෙනෙහස - පෙනිච්ච තරමට
නැතිවද හද අරණේ.....
තරු වැටිච්ච හඳ පානේ
අත වෙලිච්ච රෑ ගානේ
දෙඩු පැහිච්ච කම් ගැන - ගනිච්චි නැතුවට
ගතු කියවෙනවා නේ....
දුක හිතිච්ච හැම වේලේ
පද ගෙතිච්ච නෙක තාලේ
හද පළිච්චි ගැහුවට - කැඩිච්ච එළිවැට
හැදෙයිද සන්තානේ...
--- ඉන්දු ලියනගේ --- 18/7/2014.
කැඩිච්ච එළිවැට - හැදෙයිද සන්තානේ ' ලස්සන අදහස
ReplyDelete